Saturday, July 7, 2018

प्रा.डा. चन्द्रमान बज्राचार्यया ‘कृति व दृष्टि’ शनिवाः सार्वजनिक जुइगु

साभार : नेवा: अनलाइन न्युज – ललेन्द्र शाक्य | २०७५ आषाढ २२, शुक्रबार १४:२२:०५
नेपालभाषा केन्द्रीय विभागया पुलांम्ह प्रमुखलिसें किपू नगरय् नेपालभाषा थपू यायेगुलि विशेष योगदान बियादीम्ह व्यक्तित्व व किपूया नेपालभाषाया प्यंगः थांमध्ये छगः थां प्रा.डा. चन्द्रमान बज्राचार्यया च्वसां पिज्वःगु सफू पिदनीगु जूगु दु ।
भाजु बज्राचार्यं च्वयादीगु उगु सफू समालोचनात्मक सफू खःसा उगु सफूया नां ‘कृति व दृष्टि’ खः ।
किपू नगरपालिकाया मेयर रमेश महर्जनया ल्हाःतं चिखिफ्यने ज्या जुइगु उगु सार्वजनिक ज्याझ्वः ने.सं. ११३८ तछलागा नवमि (असार २ गते) शनिवाः न्हिनसिया १२ः३० ता इलय् किपूया न्यामासिमा २ वडाय् च्वंगु नेपालभाषा एकेदमिया हलय् जुइगु जानकारी ब्यूगु दु ।
उगु ज्याझ्वः लहना मिडियां ब्वनातःगु खःसा सकलसित उपस्थितिया नितिं लहना मिडियां इनाप याःगु दु ।

No comments:

Post a Comment